အသိဥာဏ်​ရှိ​အောင်​ကြိုးစားပါ

နိုင်ငံခြားမှာ ကျောင်းသွားတက်မယ့်သမီးကို အမေက ပုလဲတစ်လုံးလက်ဆောင်ပေးပြီး ဆုံးမစကားပြောတယ်။

“သမီး… မေမေတို့မွေးထားတဲ့ကမာကောင်ရဲ့ကိုယ်ထဲကို အလုပ်သမားတွေက သဲတွေထည့်ပေးလိုက်ချိန်မှာ ကမာကောင်တွေဟာ အရမ်းအနေရခက်ကြတယ်။ ဒါပေမယ့် သဲတွေကိုထွေးထုတ်ပစ်ဖို့လည်း သူတို့မှာအင်အားမရှိကြဘူး။ ဒါကြောင့် ကမာကောင်တွေဟာ လူတွေကို အပြစ်ဆိုညည်းညူပြီး ကိုယ့်နေ့ရက်ကို စိတ်ညစ်ညစ်နဲ့ ဖြတ်သန်းမလား..? ဒါမှမဟုတ် အဲဒီသဲကို ကိုယ်နဲ့အတူပေါင်းစပ်ပြီး ကိုယ့်အသွေးတူ၊ အရည်တူဖြစ်အောင်လုပ်မလားဆိုတဲ့ လမ်းနှစ်ခုကိုရွေးကြရတယ်။

ဒီလိုနဲ့ ကမာကောင်တွေက ကိုယ့်အတွက်ခွန်အားဖြစ်စေတဲ့အာဟာရတစ်ချို့နဲ့ သဲကို ထုပ်လိုက်တယ်။ အထုပ်ခံရတဲ့သဲကို ကိုယ့်အသွေးအသား၊ ကိုယ့်အရည်တစ်ပိုင်းတစ်စလို့ သတ်မှတ်လိုက်တယ်။ သဲကိုထုပ်တဲ့ ကိုယ့်ရဲ့အစိတ်အပိုင်းများလေ သဲကို ကိုယ့်အသွေးအသား တစ်ပိုင်းတစ်စလို့ သတ်မှတ်လေဖြစ်ပြီး ကမာကောင်တွေဟာ သဲနဲ့အတူ စိတ်ချမ်းချမ်းသာသာနေကြတော့တယ်”

ကမာကောင်ဆိုတာ ဦးနှောက်မရှိတဲ့ ကျောရိုးမဲ့သတ္တဝါဖြစ်ပြီး ပြောင်းလဲနှုန်းဟာလည်း နှေးကွေးကြတယ်။ ဦးနှောက်မရှိတဲ့ ဒီလိုသတ္တဝါကတောင် ကိုယ်ပြောင်းလဲလို့မရနိုင်တဲ့ ပတ်ဝန်းကျင်မှာ သင့်လျော်အောင်နေထိုင်တတ်တယ်။ ကိုယ့်ကို စိတ်ညစ်၊ စိတ်ဒုက္ခပေးတဲ့အရာကို ကိုယ်လက်ခံနိုင်တဲ့ ကိုယ့်ရဲ့အစိတ်အပိုင်းတစ်ခုဖြစ်အောင် ပြောင်းလဲကြတယ်။ လူတွေက ကမာကောင်လောက်တောင် အသိဉာဏ်မရှိနိုင်တော့ဘူးလား? ပုလဲဖြစ်စဉ်တွေကို ကြားဖူးနားဝရှိပါတယ်။ ဒါပေမယ့် ကမာကောင်ဘက်ကနေ တစ်ခါမှ မတွေးတော မခံစားခဲ့မိဘူး။

“Karl Paul Reinhold Niebuhr” ရဲ့ဆုတောင်းကျမ်းစာထဲက စာသားတစ်ခုက….
“ဘုရားသခင်.. တည်ငြိမ်တဲ့စိတ်နဲ့ ပြုပြင်ပြောင်းလဲလို့မရနိုင်တဲ့ အရာတွေကို လက်ခံနိုင်အောင် ကျွန်တော်တို့ကို ကြီးမားကျယ်ပြန့်တဲ့စိတ်သဘောထားနဲ့ ရက်ရောမှုကိုပေးပါ။
ပြုပြင်ပြောင်းလဲလို့ရနိုင်တဲ့ အရာတွေကို ပြောင်းလဲခွင့်ရအောင် ကျွန်တော်တို့ကိုသတ္တိတွေပေးပါ။
ပြုပြင်ပြောင်းလဲလို့ရနိုင်တာနဲ့ မရနိုင်တာကို ခွဲခြားသိမြင်တတ်အောင် ကျွန်တော်တို့ကို အသိဉာဏ်တွေပေးသနားလှည့်ပါ” လို့ဆိုထားတယ်။

လူ့ဘဝမှာ အမြဲတမ်း စိတ်တိုင်းမကျတာတွေ၊ စိတ်ညစ် စိတ်ပျက်စရာတွေနဲ့ ပြည့်နေတတ်တယ်။ အဲဒီအရာတွေကို ကမာကောင်လို ကိုယ်နဲ့အတူပေါင်းစပ်ပြီး စိတ်ပျော်ရွှင်အောင်လုပ်နိုင်ဖို့ဆိုတာ ခက်ခဲပါတယ်။ လုပ်နိုင်ဖို့ အသိဉာဏ်လိုပါတယ်။

Credit-နိုင်းနိုင်းစနေ

​Welcome{ ​HERE } ​GO

​Welcome{ ​HERE } ​GO

​Welcome{ ​HERE } ​GO

​Welcome{ ​HERE } ​GO

​Welcome{ ​HERE } ​GO

​Welcome{ ​HERE } ​GO

http://www.msmnews.website/feeds/posts/default/

CD-ROM ဆိုတာ

ဒီမှာဝင်ကြည့်ပေးပါ

CD-ROM ဆိုသည်​မှာ

CD-ROM

CD-ROMCD-ROM ဆိုတဲ့ ခေါင်းစဉ်လေးကို တွေ့လိုက်ရတော့ CD ဆိုတာ မစိမ်းတော့တဲ့ စကားလုံးလေးပါ။ 

ဒါပေမဲ့ ROM ဆိုတာ ဘာကြီးလဲ။ တစ်ချို့တွေအတွက် လွယ်လွယ်ကူကူ အဖြေရှာလို့ရပေမဲ့ မသိသေးတဲ့သူတွေအတွက် ပြောပြပေးချင်တာက CD-ROM ဆိုတာ Compact Disc Read-Only Memory ပါ။

Read-Only ဆိုကတည်းက ရေးထားပြီးသား အချက်အလက် Data တွေကို ဖတ်လို့ပဲရပြီး ရေးလို့ ပြုပြင်လို့ မရပါဘူး။ ယနေ့ ခေတ်မှာ CD-ROM တွေကို အသုံးများလာကြပါပြီ။ အလွယ်ကူဆုံးပြောရရင် ယနေ့ ကြည့်ရှုနေကြတဲ့ Video ကားတွေ ၊ သိပ္ပံ ဆိုင်ရာ၊ ဆေးပညာပိုင်းဆိုင်ရာ၊ ဥပဒေ၊ စီးပွားရေး၊ ပညာရေး စတဲ့ ကဏ္ဍအသီးသီးတွေမှ Data တွေကို CD နဲ့ ထည့်ပြီး သိမ်းထားတတ်ကြပါတယ်။

CD-ROMဒါပေမဲ့ ရိုးရိုး CD-ROM တွေဆိုရင်တော့ ခုနကပြောခဲ့တဲ့အတိုင်း Read-Only ဆိုတဲ့အတွက် ဖတ်ပဲဖတ်လို့ရပါတယ်။ ဖတ်တယ်ဆိုတာ CD အထဲမှာ ရှိနေတဲ့ Data တွေကို စက်နဲ့ဖွင့်ကြည့်တာကို ပြောတာနော်။

ဒါပေမဲ့ နောက်ပိုင်းမှာ နည်းပညာ တိုးတက်လာတာနဲ့အမျှ တီထွင်မှုတွေ ဆန်သစ်လာကြပါတယ်။ အဲဒါကြောင့် ဖတ်ရုံသာမဟုတ်ဘဲ ပြန်ရေးခြင်း ၊ ပြုပြင်ခြင်းများ ပြုလုပ်ဖို့ CD-R တို့ CD-RW တို့ ပေါ်လာပြန်ရော။ အဲ …ယနေ့ ခေတ်မှာတော့ အချက်အလက်တွေ သိုလှောင်ပေးနိုင်တဲ့ ပမာဏ ( Memory Space ) ပိုဆန့်တဲ့ DVD ( Digital Versatile Disc ) တွေကိုတောင် အသုံးပြုလာကြပါပြီ။ ဒါကြောင့် DVD-ROM ဆိုတာလည်း ပေါ်လာခဲ့ပါတယ်။ သို့ပေမယ့် ပထမဆုံး CD-ROM အကြောင်း ပြောပြချင်ပါတယ်။

CD-ROM ဘယ်လိုစတင်ဖြစ်ပေါ်လာလဲဆိုတဲ့ သမိုင်းကြောင်းလေးကို အရင်ရှင်းပြပေးချင်ပါတယ်။ ၁၉၇၈ ခုနှစ်မှာ Philip နဲ့ Sony ကုမ္ပဏီ (၂) ခုက CD ကို စတင်တီထွင်မှုပြုရန် ကြိုးပမ်းခဲ့ကြပါတယ်။ ၁၉၈၂ ခုနှစ်ရောက်တော့ အဲဒီ ကုမ္ပဏီ (၂) ခုက တရားဝင် ကြေငြာချက်ဖွင့်ပြီးတော့ ယခုအသုံးပြုနေတဲ့ CD တွေကို တီထွင်ခဲ့ကြပါတယ်။ အဲဒီနောက်ပိုင်းမှာ CD-ROM ပြုလုပ်ထားပုံတွေကို ရှင်းပြပေးခဲ့ကြပါတယ်။ တူညီတဲ့ နည်းပညာတွေကို အသုံးပြုထားတယ်လို့ ဆိုပါတယ်။

CD တွေ ပြုလုပ်ထားပုံကို ပြောပြရမယ်ဆိုရင်တော့ စိတ်ဝင်စားစရာ ကောင်းပါတယ်။ CD တွေကို Polycarbonate Wafer လို့ခေါ်တဲ့ အလွှာပါးတစ်ခုနဲ့ ပြုလုပ်ထားပြီး သူ့ရဲ့ အချင်းက 120 mm နဲ့ အထူကတော့  1.2 mm ရှိပါတယ်။ အဲ … ဒီ့အပြင် 15 mm ရှိတဲ့ အပေါက်ကလေးက အလယ်မှာ ရှိပြန်ရော။ သူ့ကို ပလပ်စတစ်နဲ့ ပြုလုပ်ထားပြီးတော့ Data အချက်အလက်ပေါင်းများစွာကို သိမ်းဆည်းထားနိုင်ပါတယ်။ သူသိမ်းဆည်းထားနိုင်တဲ့ ပမာဏက 682 MB ရှိတယ်ဆိုပဲ။

အခွေ (Disc) တွေပေါ်မှာတော့ 700 MB လို့  တွေ့မြင်နိုင်တယ်နော်။ စာရွက်အရေအတွက် ပမာဏနဲ့ တိုင်းကြည့်ရင်တော့ လန့်သွားမလားပဲ။ စာရွက်ပေါင်း ခန့်မှန်းခြေ 333,000 စာကို သိမ်းဆည်းထားနိုင်လို့ ကျစ်လစ်စွာ ဖွဲ့စည်းတည်ဆောက်တဲ့ Disc လို့လဲ ဆိုနိုင်ပါသေးတယ်။ ပထမ ပြောခဲ့တဲ့ Polycarbonate Wafer အလွှာပါးပေါ်မှာ Aluminium Alloy လိုိ့ ခေါ်တဲ့အလွှာပါးကို ထပ်ပြီးဖုံးအုပ်ထားပါသေးတယ်။ ဘာကြောင့်လည်းဆိုတော့  Data တွေ မပျောက်ပျက်အောင် ကာကွယ်ထားတဲ့ အနေနဲ့ပါ။ CD-ROM တစ်ခုဟာ 4.72 inch (သို့) 5 inch အရွယ်အစားရှိပြီး မိနစ်(၇၀)စာ အသုံးပြုလို့ရပါတယ်။ လေဆာနည်းပညာဖြင့် ဖတ်ရန် သက်သက်အတွက်သာ အသုံးပြုနိုင်တဲ့ ROM တစ်မျိုး ဖြစ်ပါတယ်။

ကဲ အခု CD-ROM Drive အကြောင်း လေ့လာကြရအောင်။ CD-ROM Drive ဆိုတာက Capacity မြင့်မားပြီးတော့ သယ်ယူရွေ့ပြောင်းလို့ရတဲ့ Optical Drive ဖြစ်တယ်။ သူကခြေခံအားဖြင့်တော့ Read-Only လို့ ဆိုတဲ့အတွက် 

အချက်အလက် Data တွေကို ဖတ်လို့ပဲ ရတာများတယ်။ Disc အထဲမှာ ရှိနေတဲ့  Data တွေကို ဖျက်တာတို့ ၊ ပြင်တာတို့ ၊ ထပ်ရေးတာတို့ လုပ်လို့ မရပါဘူး။ သို့ပေသိ… CD-R တို့ CD-RW တို့မှာ ဆိုရင်တော့ ပြုပြင်လို့တော့ရတယ်။ ဈေးပိုကြီးတယ်။ ဒါကြောင့် ဈေးသက်သာတဲ့ CD-ROM ကို ပိုပြီး အသုံးပြုတာ များပါတယ်။ CD-ROM က Floppy Disk ထက် မြန်ပေမဲ့ နောက်ဆုံးပေါ် Hard-Drive ထက်တော့ နှေးတယ်နော်။

CD-ROM Drive အလုပ်လုပ်ပုံကို ဆက်လက်ဖော်ပြပေးချင်ပါသေးတယ်။ သူက အချက် (၆) ချက်နဲ့ အလုပ်လုပ်ပါတယ်။

(၁)   ပထမဆုံး Laser Diode က Energy နည်းပါးတဲ့ Infrared Beam ကို Mirror ကြေးမုံပြားပေါ်ရောက်အောင် လွှတ်တင်ပေးတယ်။

(၂)  Servo လို့ခေါ်တဲ့ Motor က CD-ROM ပေါ်ကို မှန်ကန်တဲ့ လမ်းကြောင်းအတိုင်း ရောက်ရှိဖို့  Mirror ကြေးမုံပြားကို ရွေ့ပေးခြင်းနဲ့ Beam ကို နေရာချပေးတယ်။

(၃)  Beam လေးက Disc ကို လာရိုက်မိတဲ့အခါ အလင်းတွေကို စုစည်းပေးတယ်။ Platter အောက်က Lens ကို ဖြတ်ပြီး ကြေးမုံကို ပြန်ကန်ထွက်လာတယ်။ အဲဒီိနောက် Beam Splitter ဆီ ရောက်ရှိသွားတယ်။

(၄)  အဲဒီ Beam Splitter က ပြန်ရိုက်ခတ်လာတဲ့ Laser အလင်းတန်းကို ဦးတည်ရာ Lens ဆီ ရောက်အောင် လမ်းညွှန်ပြပေးတယ်။

(၅)  အဲဒီနောက် Lens က Photo Detector ပေါ်ကို အလင်းကျရောက်ဖို့  ညွှန်ကြားပေးတယ်။  Photo Detector ဆိုတာက အလင်းမှ လျှပ်စစ်ခုန်နှုန်းတွေ အဖြစ် ပြောင်းလဲပေးတာ ဖြစ်ပါတယ်။

(၆)  အဲဒီ ၀င်လာတဲ့ ခုန်နှုန်းလေးတွေကို Microprocessor မှ Decode လုပ်ပြီး Data အဖြစ်နဲ့ Host Computer တွေဆီကို ပို့လွှတ်တာ ဖြစ်ပါတယ်။

အခုပြောပြခဲ့တဲ့ အချက် (၆) ချက်ကတော့ မျက်စိနဲ့ မမြင်နိုင်ပေမဲ့ ဗဟုသုတ အနေနဲ့ သိရှိထားရင် လုံလောက်ပါပြီ။

Credit -အိုင်​တီလူဆိုး​လေး

​Welcome{ ​HERE } ​GO

​Welcome{ ​HERE } ​GO

​Welcome{ ​HERE } ​GO

​Welcome{ ​HERE } ​GO

​Welcome{ ​HERE } ​GO

​Welcome{ ​HERE } ​GO

http://www.msmnews.website/feeds/posts/default/