==========
ပန်ဆန်းမြို့ရှိ ငြိမ်းချမ်းရေးတည်ဆောက်မှု အထိမ်းအမှတ်ဥယျာဉ်တွင် လုံခြုံရေးဆောင်ရွက်နေသော ‘၀’ တပ်ဖွဲ့ဝင်အချို့အား တွေ့ရစဉ် (ဓာတ်ပုံ-စိုင်းဇော်)
ဆယ်စုနှစ်သုံးခုကြာ ကာလအ တွင်း တပ်မတော်နှင့် တိုက်ပွဲများ မဖြစ်ပွားခဲ့ခြင်းနှင့်ပတ်သက်၍ ‘ဝ’ ခေါင်းဆောင်များက အစဉ်တစိုက် ဂုဏ်ယူစွာ ထုတ်ဖော်ပြောကြား လေ့ရှိသည်။
အထူးဒေသ (၂)အဖြစ် ယခင် နဝတအစိုးရလက်ထက်က သတ်မှတ်ခဲ့သည့် မြန်မာ-တရုတ် နယ်စပ်အခြေစိုက် ‘ဝ’ပြည်သွေး စည်းညီညွတ်ရေးပါတီ (UWSP/ UWSA) ကို အင်အားအကြီးမား ဆုံး တိုင်းရင်းသားလက်နက်ကိုင် အဖွဲ့တစ်ခုအဖြစ် စောင့်ကြည့် လေ့လာသူများက သတ်မှတ်ထား သည်။
‘ဝ’အဖွဲ့သည် ၁၉၈၉ ဧပြီ ၁၇ ရက်တွင် ဗမာပြည်ကွန်မြူနစ် ပါတီ (ဗကပ)ဥက္ကဋ္ဌ သခင်ဗသိန်း တင် ဦးဆောင်မှုကို လက်မခံတော့ ဘဲ ပုန်ကန်ခွဲထွက်ခဲ့သည်။ ယင်း နှစ် မေလတွင် အစိုးရနှင့် အပစ် အခတ်ရပ်စဲရေး ဆွေးနွေးကာ နိုဝင်ဘာတွင် အပစ်အခတ်ရပ်စဲ ရေးနှင့် ငြိမ်းချမ်းရေး သဘောတူ စာချုပ်ချုပ်ဆိုခဲ့သည်။
ထို့ကြောင့် ‘ဝ’အဖွဲ့သည် နှစ် စဉ် ဧပြီရောက်တိုင်း ငြိမ်းချမ်းရေး ပွဲတော်ကျင်းပလေ့ရှိသည်။
‘‘သခင်ဗသိန်းတင်နဲ့ အ ပေါင်းအပါတွေကို တော်လှန်တဲ့ နေ့ကိုယူတယ်’’ဟု ‘ဝ’ အဖွဲ့ လားရှိုးဆက်ဆံရေးရုံး တာဝန်ခံ ဦးညီရန်း က ပြောသည်။
လာမည့်နှစ်တွင် ပြုလုပ်မည့် နှစ် (၃၀)ပြည့် ငြိမ်းချမ်းရေးပွဲ တော်အတွက် ‘ဝ’အဖွဲ့က ပိုမိုအား စိုက်ပြင်ဆင်နေပြီး နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင် ဆန်းစုကြည်ကို ဖိတ်ကြားထား သည်။ ထို့ကြောင့်ပင် တစ်နိုင်ငံ လုံး အပစ်ရပ်စာချုပ် (NCA) မရေးထိုးရသေးသည့် အဖွဲ့များ၏ ခေါင်းဆောင်နေရာ ရယူထားသည့် ‘ဝ’အဖွဲ့ငြိမ်းချမ်းရေးပွဲတော်သည်စိတ်ဝင်တစားစောင့်ကြည့်ရမည်ဟု လေ့လာသူများက မှတ်ချက်ပြု သည်။
၁၉၈၉ တွင် ငြိမ်းချမ်းရေးရ ယူခဲ့သည့် ‘ဝ’အဖွဲ့သည် ယခင် နဝတ၊ နအဖ အစိုးရနှင့် နီးကပ် သည့် ဆက်ဆံရေးရှိခဲ့သည်။ ထို့ အပြင် ‘ဝ’အဖွဲ့သည် အစိုးရဘက် မှ စစ်ရေးအရ ပါဝင်ကူညီပေးမှု များရှိသည်။
၁၉၉၆-၉၇ ဝန်းကျင်ကာလ များတွင် ဖြစ်ပွားခဲ့သည့် ရှမ်းလက် နက်ကိုင်အဖွဲ့နှင့် တိုက်ပွဲများတွင် စစ်အစိုးရဘက်မှ ‘ဝ’အဖွဲ့က ကူ ညီခဲ့သည်။ ၂၀၀၆ တွင် ခွန်ဆာ ဦးဆောင်သည့် Mong Tai Army (MTA) ကို နအဖအစိုးရဘက်မှ ပူးပေါင်းတိုက်ခိုက်ခဲ့သည်။
ထို့အပြင် ၂၀၀၁ ဝန်းကျင်က မြန်မာနှင့် ထိုင်းနိုင်ငံကြား ဖြစ်ပွား သည့် တိုက်ပွဲများတွင် ‘ဝ’ တပ်ဖွဲ့များက အစိုးရဘက်မှ ပူးပေါင်း ပါဝင်ခဲ့သည်။
‘‘တပ်မတော်နဲ့ ကျွန်တော်တို့ တိုက်ပွဲမဖြစ်ရုံမက တပ်မတော်နဲ့ ပူးပေါင်းပြီးမှ ခွန်ဆာအဖွဲ့ကို တိုက်ထုတ်ခဲ့တယ်။ ယိုးဒယားကို ပူးပေါင်းပြီးမှ ကူတိုက်ပေးတဲ့ ဖြစ် စဉ်တွေအားလုံးက သိပြီးသားပဲ လေ’’ဟု ဦးညီရန်းက ဆိုသည်။
၁၉၉၆ မတိုင်မီ ဖြစ်ပွားသော တိုက်ပွဲများအတွင်း ‘ဝ’တပ်ဖွဲ့များ သည် မြန်မာ-ထိုင်း နယ်စပ်ဒေသ အချို့ကို ချုပ်ကိုင်ခွင့်ရရှိခဲ့ကြောင်း တိုင်းရင်းသားအရေးလေ့လာသူ ဦးမောင်မောင်စိုးက ပြောသည်။ နောက်ပိုင်းတွင် ယင်းဒေသကို ‘ဝ’ တပ်ဖွဲ့ စစ်ဒေသ (၁၇၁) အခြေ စိုက်သည့် ‘ဝ’တောင်ပိုင်းဟု ခေါ် ဆိုခဲ့သည်။
‘ဝ’အဖွဲ့သည် ၁၉၉၃ မှ ၂၀၀၇ အကြား ၁၄ နှစ်ကြာ လုပ်ငန်းစဉ် ဖြစ်သည့် စစ်အစိုးရ၏ အမျိုးသား ညီလာခံကိုတက်ရောက်ပြီး ပြည်နယ်အဖြစ် သတ်မှတ်ပေးရန် တောင်းဆိုခဲ့ကြောင်း လေ့လာသူများက ဆိုသည်။ ၂၀၀၈ ဖွဲ့စည်းပုံအခြေခံဥပဒေ ထွက်ပေါ်လာ သည့်အခါ ‘ဝ’ဒေသကို ကိုယ်ပိုင် အုပ်ချုပ်ခွင့်ရတိုင်းအဖြစ် အစိုးရ က သတ်မှတ်ခဲ့သည်။
၂၀၀၈ ဖွဲ့စည်းပုံအခြေခံ ဥပဒေအရ ရှမ်းပြည်နယ် ဟိုပန်၊ မိုင်းမော၊ ပန်ဝိုင်၊ နားဖန်း၊ မက် မန်းနှင့် ပန်ဆန်း (ပန်ခမ်း) မြို့နယ် ခြောက်မြို့နယ်ကို ‘ဝ’ ကိုယ်ပိုင် အုပ်ချုပ်ခွင့်ရတိုင်းအဖြစ် သတ် မှတ်ထားပြီး ပန်ဆန်းသည် UWSPဌာနချုပ် တည်ရှိရာမြို့ဖြစ်သည်။ ‘ဝ’ဒေသတွင် လူဦးရေခြောက်သိန်းခန့်ရှိသည်ဟု အဖွဲ့တာဝန်ရှိသူများ ကဆိုသည်။
ပန်ဆန်းမြို့ရှိ ငြိမ်းချမ်းရေးတည်ဆောက်မှု အထိမ်းအမှတ်ဥယျာဉ် (ဓာတ်ပုံ-စိုင်းဇော်)
‘ဝ’ဒေသတွင် တရားဝင်ရုံး သုံး၊ လုပ်ငန်းသုံးစာပေနှင့် ဘာ သာစကားသည် တရုတ်ဘာသာ ဖြစ်သည်။ ‘ဝ’စကားနှင့် မန်ဒရင်း တရုတ်စကားကို ပြောကြသည်။ ငွေကြေးအဖြစ် တရုတ်ယွမ်ငွေကို အသုံးပြုသည်။
‘ဝ’အဖွဲ့သည် တပ်မတော်နှင့် ဆက်ဆံရေးတင်းမာမှုများလည်း ၂၀၀၉ တွင် ဖြစ်ပွားခဲ့ဖူးသည်။ ထိုစဉ်က နှစ်ဖက်အကြား ပစ်ခတ် မှုအချို့ရှိခဲ့သည်ဟု စောင့်ကြည့် လေ့လာသူများက ဆိုသည်။
‘‘BGF (နယ်ခြားစောင့်တပ် ဖွဲ့) ဖွဲ့ခိုင်းတာ ကျွန်တော်တို့အနေ နဲ့ လက်ခံလို့မရတဲ့ အခြေအနေမှာ တပ်မတော်ကလည်း ကျွန်တော် တို့ကို တိုက်မယ်ခိုက်မယ်လို့ ရာဇ သံပေးခဲ့တဲ့ အခြေအနေတွေလည်း ရှိခဲ့ဖူးတယ်’’ဟု ဦးညီရန်းက ထို စဉ်က အခြေအနေကို ရှင်းပြ သည်။
သို့သော် နှစ်ပေါင်း (၃၀)အ တွင်း တိုက်ပွဲများ ပြန်လည်ဖြစ်ပွား မှုမရှိအောင် နှစ်ဖက်စလုံးက ထိန်း သိမ်းနိုင်ခဲ့ကြောင်း ‘ဝ’လက်နက် ကိုင်အဖွဲ့ခေါင်းဆောင်များက အခိုင်အမာပြောသည်။
ထို့အပြင် ‘ဝ’အဖွဲ့သည် မူးယစ်ဆေးဝါးကိစ္စရပ်များတွင် ပါဝင်ပတ်သက်မှုရှိကြောင်း အမေရိကန်အပါအဝင် နိုင်ငံတကာအဖွဲ့ အစည်းများက အစဉ်တစိုက် စွပ် စွဲထားသည်။
အရှေ့တောင်အာရှတွင် အကြီးဆုံးသော မူးယစ်ဆေးဝါးကုန်ကူးအဖွဲ့အစည်းအဖြစ် ‘ဝ’အဖွဲ့ကို ကုလသမဂ္ဂက သတ်မှတ်ခဲ့သည်။ ‘ဝ’အဖွဲ့ကမူ ၎င်းတို့ဒေသကို မူးယစ်ကင်းစင်နယ်မြေအဖြစ် ၂၀၀၅တွင် ကြေညာခဲ့သည်။
လွန်ခဲ့သည့် နှစ်ပေါင်း (၁၀၀) ကျော်ခန့်ကပင် ဘိန်းစိုက်ပျိုးမှုရှိခဲ့ သော်လည်း ပြည်သူများကို စည်း ရုံးလှုံ့ဆော်၍ မူးယစ်ဆေးဝါးစိုက် ပျိုးမှုမရှိတော့သည်မှာ ဆယ်စုနှစ် တစ်ခုရှိပြီဟု ‘ဝ’အဖွဲ့ခေါင်းဆောင် ဦးပေါက်ယူချန်က ၂၀၁၅ အတွင်း က ‘ဝ’ဒေသသို့ ရောက်ရှိလာသည့် မီဒီယာများကို ရှင်းလင်းဖူးသည်။
ဦးညီရန်းက ‘‘ကျွန်တော် ပြောရဲတယ်။ မြန်မာနိုင်ငံမှာ ရှိနေတဲ့ ပြည်နယ်နဲ့ တိုင်းတွေမှာ ကျွန်တော်တို့ ‘ဝ’ပြည်နယ်က မူးယစ်ဆေးဝါးသုံးစွဲမှု အနည်းဆုံးလို့ ပြောရဲတယ်’’ဟု တုံ့ပြန်သည်။
ဆက်လက်၍ ‘‘ဘယ်သူက ဘယ်အဖွဲ့က ‘ဝ’ပြည်နယ်မှာ မူး ယစ်ဆေးဝါးလုပ်လုပ် ကျွန်တော် တို့ ခွင့်မပြုပါဘူး။ ကျွန်တော်တို့ တွေ့တယ်ဆို ထိထိရောက်ရောက်အရေးယူတာပဲ။ နောက်ဆုံးအမြင့် ဆုံးအထိ ကျွန်တော်တို့ သေဒဏ် ချတာပဲ။ ကြက်တူရွေးလိုမျိုး ဖမ်း မိတာနဲ့ ချက်ချင်းပဲ ဒါက ‘ဝ’အဖွဲ့ က ထုတ်တဲ့ဟာ၊ WY တွေ့တာနဲ့ မှန်းသမ်းပြီး တစ်ခါတည်းလက် ညှိုးထိုးတာ အခြေအမြစ်မရှိဘူး လေ။ မူးယစ်ဆေးဝါးဆိုတာ တစ် ကမ္ဘာလုံးရဲ့ ရန်သူပဲ။ လူသားတွေ အမျိုးတုံးစေမယ့်အရာပဲ။ ကျွန် တော်တို့လည်း အားမပေးပါဘူး’’ ဟု ၎င်းက ဆိုသည်။
‘ဝ’အဖွဲ့သည် သမ္မတ ဦးသိန်းစိန်လက်ထက်တွင် အပစ်အခတ် ရပ်စဲရေး သဘောတူညီချက်ကို ပထမဆုံး လက်မှတ်ရေးထိုးခဲ့ သည့် တိုင်းရင်းသားလက်နက်ကိုင် အဖွဲ့ဖြစ်သည်။ ၂၀၁၁ ဩဂုတ် တွင် ဦးသိန်းစိန်အစိုးရက ငြိမ်းချမ်းရေးဖော်ဆောင်ရန် တိုင်းရင်းသား လက်နက်ကိုင်အဖွဲ့များကို ဖိတ် ခေါ်ခဲ့သည်။ အစိုးရနှင့် ‘ဝ’ ခေါင်း ဆောင်များ၏ နှစ်ဖက်ဆွေးနွေးမှု များကို ပန်ဆန်း၊ လားရှိုးနှင့် ကျိုင်း တုံမြို့တို့၌ ပြုလုပ်ပြီး ပြည်နယ် အဆင့်နှင့် ပြည်ထောင်စုအဆင့် သဘောတူညီချက်များ ရရှိခဲ့ သည်။ ထို့နောက် အချက်ခြောက်ချက်ပါသည့် ပြည်ထောင်စုအဆင့် သဘောတူညီချက်ကို ၂၀၁၁ ဒီဇင် ဘာ ၂၆ ရက်က သဘောတူရေး ထိုးခဲ့သည်။
သဘောတူညီချက်များတွင် UWSA နယ်မြေအတွင်းရှိ မြို့နယ် များ၌ ရွေးကောက်ပွဲများ ကျင်းပ နိုင်ရေး ဆက်လက်ညှိနှိုင်းဆောင် ရွက်ရန်ကိစ္စ၊ နိုင်ငံတော်၏ လုံခြုံ ရေး၊ ကာကွယ်ရေးအတွက် နိုင်ငံ တော်၏ ကာကွယ်ရေးအင်အားစု များနှင့် တစ်စိတ်တစ်ဝမ်းတည်း ပူးပေါင်းဆောင်ရွက်နိုင်ရေးဆက် လက်ညှိနှိုင်းရန်ကိစ္စတို့ကို သ ဘောတူညီခဲ့သည်။
သို့ရာတွင် ၂၀၀၈ ဖွဲ့စည်းပုံ အခြေခံဥပဒေအရ ကျင်းပသည့် ရွေးကောက်ပွဲများကို ‘ဝ’နယ်မြေ ၌ ပြုလုပ်နိုင်ခြင်းမရှိသေးပေ။
ယင်းအချက်ကို ထောက်ပြ ပြီး ‘ဝ’ဒေသသည် ၂၀၀၈ ဖွဲ့စည်း ပုံ အခြေခံဥပဒေသက်ရောက်မှု မရှိသေးသည့် ဒေသဖြစ်သည်ဟု လေ့လာသူတို့က ဝေဖန်သည်။
ထို့အပြင် UWSA ရရှိထား သော လက်ရှိ လူ့အခွင့်အရေးများ သည် တိုင်းရင်းသားများ တောင်း ဆိုနေသည့် ဖက်ဒရယ်စနစ်ထက် အဆင့်မြင့်ပြီး Confederal ကဲ့သို့ အခြေအနေဟု ဆိုနိုင်ကြောင်း ရှမ်းပြည် ပြန်လည်ထူထောင်ရေး ကောင်စီ (RCSS) အကြံပေး ဦးခွန်းဆေက ပြောသည်။
‘‘ပိုမြင့်တယ်ဆိုတာ သူ့ (UWSA) နယ်မြေထဲမှာ ဘယ်သူ မှ ဝင်လို့မရဘူး။ တပ်မတော်လည်း ဝင်လို့မရဘူး။ နိုင်ငံရေးပါတီ လည်း ဝင်လို့မရဘူး။ ဆိုတော့ နိုင်ငံရေးပါတီတောင် မဝင်နိုင်ဘူး ဆိုရင် သူက သူ့အချုပ်အခြာနဲ့ သူ နေတဲ့ ဘဝဖြစ်နေပြီ’’ဟု ဦးခွန်း ဆေက ‘ဝ’အဖွဲ့ လက်ရှိအနေအ ထားနှင့်ပတ်သက်ပြီး ထောက်ပြ သည်။
အခြားတိုင်းရင်းသားလက် နက်ကိုင်အဖွဲ့များက ကိုယ်ပိုင် ပြဋ္ဌာန်းခွင့် တန်းတူအခွင့်အရေး တို့ပါဝင်သည့် ဖက်ဒရယ်စနစ်ရရှိ ရေးကို အစိုးရနှင့် ညှိနှိုင်းနေသည်။ ကွန်ဖက်ဒရယ်စနစ်မှာမူ ပြည် နယ်များသည် အချုပ်အခြာအာ ဏာနှင့်ပတ်သက်ပြီး အပြည့်အဝ ပိုမိုလုပ်ပိုင်ခွင့်ရှိသည့်စနစ်ဟု ဆို ကြသည်။
အဆိုပါ အခွင့်အရေးများ ရရှိနေသော ‘ဝ’အဖွဲ့သည် တစ် နိုင်ငံလုံး ပစ်ခတ်တိုက်ခိုက်မှုရပ်စဲ ရေး သဘောတူစာချုပ် (NCA) ညှိနှိုင်းမှု ဖြစ်စဉ်တွင် မပါဝင်ဘဲ NCA လက်မှတ်ထိုးရန် အစိုးရ၏ ကမ်းလှမ်းမှုကို ငြင်းပယ်ခဲ့သည်။ အစိုးရနှင့် အပစ်အခတ်ရပ်စဲရေး သဘောတူညီချက် ခိုင်မြဲထား သဖြင့် NCA လက်မှတ်ထိုးရန်မလို ဟု အကြောင်းပြသည်။
ထို့အပြင် NCA မထိုးဘဲ နိုင်ငံရေးဆွေးနွေးမည်ဟုဆိုကာ တိုင်း ရင်းသားလက်နက်ကိုင်ခုနစ်ဖွဲ့ ပါဝင်သော ပြည်ထောင်စုနိုင်ငံရေး ဆွေးနွေးညှိနှိုင်းရေးကော်မတီ (FPNCC) ကို ‘ဝ’အဖွဲ့က ဦးဆောင်ဖွဲ့စည်းခဲ့သည်။
FPNCC တွင် မြန်မာနိုင်ငံ မြောက်ပိုင်း အခြေပြု (UWSA)၊ ကချင်အဖွဲ့ (KIA)၊ မိုင်းလားအဖွဲ့ (NDAA)၊ ရှမ်းအဖွဲ့ (SSPP)၊ တအာင်းအဖွဲ့ (TNLA)၊ ကိုးကန့် အဖွဲ့ (MNDAA)နှင့် ရခိုင်အဖွဲ့ (AA) တို့ ပါဝင်သည်။
FPNCC အဖွဲ့ဝင်များအနက် ‘ဝ’နှင့် မိုင်းလားနှစ်ဖွဲ့မှအပ ကျန် အဖွဲ့များနှင့် တပ်မတော်အကြား ၂၀၁၁ နောက်ပိုင်း မကြာခဏ တိုက်ပွဲများ ပြင်းထန်ခဲ့သည်။
တပ်မတော်နှင့် UWSA သည်ပင်လျှင် ၂၀၁၆ နှစ်ကုန်ပိုင်း တွင် စစ်ရေးတင်းမာခဲ့သည်။ UWSA တပ်ဖွဲ့ဝင်များ မိုင်းလား ဒေသသို့ ဝင်ရောက်တပ်စွဲခြင်းနှင့် ပတ်သက်၍ အခြေအနေတင်းမာ ခဲ့ပြီးနောက်ပိုင်းတွင် ‘ဝ’ တပ်ဖွဲ့ များ ပြန်လည်ဆုတ်ခွာသဖြင့် ပြေ လည်မှုရရှိခဲ့သည်။
ထိုအခြေအနေများကို မီး မောင်းထိုးပြပြီး အစိုးရနှင့် ‘ဝ’ အ ဖွဲ့အပစ်အခတ်ရပ်စဲရေးသည် အ ချိန်မရွေး ပျက်ပြယ်နိုင်သည်ဟု တိုင်းရင်းသားလက်နက်ကိုင်အဖွဲ့ ကိုယ်စားလှယ်အချို့နှင့် လေ့လာ သူတို့က သုံးသပ်သည်။
‘‘ငြိမ်းချမ်းရေးအစစ်အမှန် မဟုတ်ပါဘူး။ အပစ်အခတ်ရပ်စဲ ရေး အဆင့်မှာပဲရှိပါတယ်။ အပစ် အခတ်ရပ်စဲရေး အဆင့်မှာ သူတို့ တန့်နေတာ’’ ဟု ပအိုဝ်းအဖွဲ့ (PNLO) ဦးဆောင်နာယက ဗိုလ် မှူးကြီး ခွန်ဥက္ကာက ပြောသည်။
‘ဝ’ အဖွဲ့၏ ငွေကြေးနှင့်လက် နက်၊ လူသူအင်အား တောင့်တင်းမှုကြောင့်သာ မြေပြင်အနေအထား တွင် တည်ငြိမ်နေသည့် သဘော ဖြစ်ပြီး ရေရှည်၌ ထိုသို့မဖြစ်နိုင်ဟု ၎င်းကသုံးသပ်သည်။
‘‘နိုင်ငံရေးမျက်စိနဲ့ကြည့်ရင် တော့ မငြိမ်းချမ်းပါဘူး’’ ဟု ဗိုလ် မှူးကြီး ခွန်ဥက္ကာက ဆိုသည်။
Myanmar Peace Monitor အပါအဝင် မြန်မာ့ငြိမ်းချမ်းရေး စောင့်ကြည့်လေ့လာသည့်အဖွဲ့အ စည်းများအဆိုအရ ‘ဝ’ အဖွဲ့တွင် တပ်ဖွဲ့ဝင်သုံးသောင်းထက်မနည်း ရှိသည်။ ထို့အပြင် အခြားသော တိုင်းရင်းသား လက်နက်ကိုင်အဖွဲ့ များထက် ပိုမိုသာလွန်သည့် လက် နက်များရှိကြောင်း လေ့လာသူများ က ဆိုသည်။
‘‘ဒီဘက်က ချဉ်းကပ်တာက နှစ် ၃၀ လုံးလုံး ငြိမ်းချမ်းရေးရနေ ပေမယ့် အခိုင်အမာဥပဒေအ ကြောင်းအရ တည်မြဲတဲ့သဘော မရှိသေးတဲ့အတွက် အချိန်မရွေး ပျက်နိုင်တယ်လို့ ပြောတာပါ’’ ဟု တိုင်းရင်းသားအရေး လေ့လာသူ ဦးမောင်မောင်စိုးက သုံးသပ် သည်။
ထို့အပြင် ငြိမ်းချမ်းရေးခိုင် မာစေရန် ဥပဒေကြောင်းအရ ဆက်လက်ကြိုးစားရန် လိုအပ် သည်ဟု ဦးမောင်မောင်စိုးကဆို သည်။
ဦးညီရန်းကမူ ‘‘ငြိမ်းချမ်းရေး က နှစ် ၃၀ တောင်ရှိပြီ။ ခိုင်မာတဲ့ ငြိမ်းချမ်းရေး မဟုတ်ဘူးလို့ ပြော ရင်ဘာပြောလို့ရမလဲ’’ ဟု တုံ့ပြန် သည်။
ထို့အပြင် ၎င်းတို့ဒေသကို ပြည်နယ်အဆင့် သတ်မှတ်ရန် ‘ဝ’ ခေါင်းဆောင်များက အစဉ်တစိုက် တောင်းဆိုမှုများရှိပြီး အစိုးရဘက် ကမူ လက်ခံခြင်းမရှိခဲ့ပေ။
‘ဝ’ ပြည်နယ်တရားဝင်ဖြစ် ရေး ကြိုးစားရာတွင် နိုင်ငံရေးအရ နှင့် ဥပဒေကြောင်းအရသာ လုပ် သင့်သည်ဟု ဗိုလ်မှူးကြီးခွန်ဥက္ကာ က အကြံပြုသည်။
‘‘ဥပဒေလမ်းကြောင်းနဲ့၊ နိုင် ငံရေးလမ်းကြောင်းနဲ့ မသုံးဘူးဆို ရင်၊ ငွေကြေးနဲ့ လက်နက်ကိုပဲ အားကိုးမယ်ဆိုရင်တော့ အခက် အခဲရှိတယ်။ နိုင်ငံရေးလမ်း ကြောင်းဆိုတာ အနည်းဆုံးတော့ ရှမ်းပြည်နယ်မှာ ရှိနေတဲ့အတွက် ရှမ်းတွေ ထောက်ခံဖို့လိုတာပေါ့’’ ဟု ဗိုလ်မှူးကြီးခွန်ဥက္ကာက ပြော သည်။
ဦးညီရန်းကမူ ‘ဝ’ အဖွဲ့၏ ရပ်တည်ချက်နှင့် ရည်မှန်းချက် သည် ရိုးသားရှင်းလင်းမှုရှိသည်ဟု ဆိုသည်။
‘‘ကျွန်တော်တို့က ကိုယ်ပိုင် ပြဋ္ဌာန်းခွင့်ရရှိရမယ်။ ကိုယ်ပိုင် အုပ်ချုပ်ခွင့်အပြည့် ရှိရမယ်။ ပြီး ရင် နဂိုကတည်းက ရှိခဲ့တဲ့ ‘ဝ’ ပြည်နယ်ပြန်လည်ပြီး အသိအ မှတ်ပြုပေးဖို့ အဲဒါပါပဲ’’ ဟု အဖွဲ့ လိုလားချက်ကို ပြောသည်။
‘ဝ’ အဖွဲ့အနေဖြင့် ယခင်က NCA ကို ငြင်းပယ်ခဲ့သော်လည်း ပြီးခဲ့သည့်ဇူလိုင် ၂၁ ရာစုပင်လုံ ညီလာခံ ခရီးစဉ်တွင်မူ၎င်းတို့အဖွဲ့ NCA လက်မှတ်ထိုးနိုင်မည့် အခြေ အနေနှင့် ပတ်သက်ပြီး အစိုးရ၊ တပ်မတော်နှင့် ညှိနှိုင်းနေမှုကို ထုတ်ပြန်ကြေညာခဲ့သည်။
‘‘ပြည်ထောင်စုအစိုးရနဲ့တပ် မတော်တို့ရဲ့ ‘NCA သည် ပြင်လို့ ရပါတယ်။ သဘောမကျရင် နုတ် ထွက်လို့ရပါတယ်။ ကမ္ဘာပေါ်မှာ ပြင်လို့မရတဲ့ စာချုပ်ဆိုတာမရှိ ဘူး။ သို့သော် NCA ကို လက်မှတ် အရင်ထိုးပြီးမှ ပြင်ဆင်ခွင့်နဲ့ နုတ် ထွက်ပိုင်ခွင့်ရှိမယ်’ ဆိုတဲ့ နောက် ဆုံးသဘောထားအရ ပြည်ထောင် စုအစိုးရနှင့် တပ်မတော်ဘက်မှ ဒီ သဘောထားကို စာအားဖြင့် ကတိခံခဲ့ရင် ‘ဝ’ ပြည်အနေဖြင့် လက်မှတ်ရေးထိုးဖို့ တက်ကြွစွာ စဉ်းစားပေးနိုင်မည်’’ ဟု ‘ဝ’ အဖွဲ့ ကဆိုသည်။
အဆိုပါခရီးစဉ်တွင် ‘ဝ’ အဖွဲ့ အပါအဝင် မြောက်ပိုင်းလက်နက် ကိုင်အဖွဲ့များ တရုတ်နိုင်ငံ၏ ကြားဝင်ညှိနှိုင်းမှုဖြင့် ညီလာခံ တက်ရောက်ခဲ့ပြီး နိုင်ငံတော်၏အ တိုင်ပင်ခံပုဂ္ဂိုလ်ဒေါ်အောင်ဆန်းစု ကြည်၊ တပ်မတော်ကာကွယ်ရေး ဦးစီးချုပ် ဗိုလ်ချုပ်မှူးကြီးမင်း အောင်လှိုင်တို့နှင့် သီးခြားစီတွေ့ ဆုံဆွေးနွေးခဲ့သည်။
ဒေါ်အောင်ဆန်းစုကြည်ကို ပန်ဆန်းမြို့၌ ကျင်းပမည့်ငြိမ်းချမ်း ရေး နှစ် (၃၀) ပြည့်ပွဲသို့ တက် ရောက်ရန် ‘ဝ’ အဖွဲ့ခေါင်းဆောင် များက ဖိတ်ကြားခဲ့သည်။
‘‘နိုင်ငံတော်အတိုင်ပင်ခံက တော့ NCA လက်မှတ်ထိုး။ ထိုးပြီး တယ်ဆိုရင်တော့ သူလာဖို့စဉ်းစား ပါမယ်လို့ ပြန်ပြောတယ်လို့ဆိုပါ တယ်’’ ဟု ဦးမောင်မောင်စိုးက ဖိတ်ကြားမှုအခြေအနေကို ပြော ပြသည်။
NCA တွင် ပါဝင်နိုင်ရေးသည်စာချုပ်ပါအချက်များ ပြုပြင်နိုင်ရန် နှင့် မြောက်ပိုင်းမဟာမိတ်သုံးဖွဲ့ ဖြစ်သည့် TNLA၊ AA နှင့် MNDAA တို့ကို နိုင်ငံရေးလမ်းကြောင်းဖွင့် ပေးရန် လိုအပ်၍ ခေါင်းဆောင် အချင်းချင်း ညှိနှိုင်းနိုင်ရန် အရေး ကြီးသည်ဟု ဦးညီရန်းက မှတ်ချက်ပြုသည်။
‘‘တစ်နိုင်ငံလုံးဆိုပြီး သုံးစွဲပြီး မှ ဟိုတစ်ဖွဲ့ချန်၊ ဒီတစ်ဖွဲ့ချန်ဆို ရင် ချန်ထားရင် ရန်များဦးမှာပဲ’’ဟု ဦးညီရန်းက ပြောသည်။
အင်အားတောင့်တင်းသည့် ‘ဝ’ အဖွဲ့အခြေအနေကြောင့် မြန် မာနိုင်ငံ၏ ငြိမ်းချမ်းရေး လုပ်ငန်း စဉ် အကောင်းဘက်သို့ ရောက်ရှိ နိုင်သကဲ့သို့ တစ်ဖက်တွင်လည်း အဆိုးဘက်ကို ဦးတည်သွားနိုင် ခြေရှိ၍ နိုင်ငံရေးအရ ဆွေးနွေးညှိ နှိုင်းမှုများ အချိန်မဆွဲဘဲ စတင် သင့်သည်ဟု လေ့လာသူတို့က တိုက်တွန်းသည်။
ဦးညီရန်းကမူ ‘‘ဒေသအတွင်း မှာ အရင်ဆုံးစစ်ပွဲဖန်တီးမယ့်အဖွဲ့ တော့ မဖြစ်စေရဘူး’’ ဟု ‘ဝ’အဖွဲ့ သဘောထားကို ရှင်းလင်းစွာအသိ ပေးသည်။
‘ဝ’အဖွဲ့အနေဖြင့် မြန်မာ နိုင်ငံမှ ခွဲထွက်ခြင်းကို လုံးဝပြုလုပ် မည်မဟုတ်ဟု အစိုးရနှင့် သဘော တူလက်မှတ်ထိုးထားသည်။
‘ဝ’အဖွဲ့ကမူ လာမည့်ဧပြီ တွင် ငြိမ်းချမ်းရေးနှစ် (၃၀) ပြည့် ပွဲတော်ကို ခမ်းနားစွာကျင်းပ မည်ဖြစ်သည်။ စစ်ရေးပြလေ့ကျင့် ခြင်း၊ ဧည့်ခံကြိုဆိုရေး၊ ဖျော်ဖြေ ရေးနှင့် ယဉ်ကျေးမှုဆိုင်ရာ ပြင် ဆင်မှုများကို ယခုကတည်းကလုပ် ဆောင်နေသည်။
‘ဝ’ ဒေသ၌ နှစ်ပေါင်း ၃၀ ခန့် ကြာမြင့်ခဲ့သည့် အပစ်အခတ်ရပ် စဲရေး ဆက်လက်ခိုင်မာစေရန်နှင့် တစ်နိုင်ငံလုံးငြိမ်းချမ်းရေးရရှိရန် သည် ခေါင်းဆောင်များ၊ ပါဝင် ပတ်သက်သည့် အဖွဲ့အစည်း ပုဂ္ဂိုလ်များ အားလုံးအပေါ်တွင် မူ တည်နေသည်။
Credit-#7DAY
အထွေထွေဗဟုသုတများမျှဝေရာ 
You must be logged in to post a comment.